_{Xaflad Balaaran oo lagu Maamuusayay Qalinjibinta Arday Dhameysatay Waxbarashada,Computer IT,Computer software,Saxaafad,Luqada Englishka iyo Barashada Caafimaadka ee Dugsiga Brothers Computer ayaa lagu qabtay Hotel Banaaadir ee Magaalada Muqdisho.}

_{Munaasabadaas ayaa waxaa ku Qalin jebiyay Arday Gaareysa 300 oo Arday,kuwaas oo Shahaadooyin muujinaya heerka waxbarashadooda lagu Gudoonsiiyay Xafladaas Qalin jebinta ah ee ka dhacday Gobalka Banaadir.}

_{Sedaxda Boqol ee Arday ee ka Qalin jebisay Dugsiga Brothers Computers ayaa waxa ay u kala qeybsanaayeen,100 Arday oo ka qalin jebisay Computer software,80 Arday oo ka qalin jebisay Saxaafad,70 ka qalin jebiyay Caafimaad iyo 50 Arday oo kaqalin jebiyay Computr IT.waxaana dhamaan tood lagu doonsiiyay Shahaadooyin ay ku farxeen qaadashadooda.}

_{Munaasabadii Xafladaasi waxaa ka qeyb galay Mas'uuliyiin ka tirsan Bahda waxbarashada,Fanaaniin,Xubno ka socday Shirkadaha Isgaarsiinta,Waalidiin,Arday iyo Saxafiyiin kala duwan.
Mas'uuliyiintii ka hadashay Munaasabada Xafladii Qalinjebinta ayaa waxa ay sharaxaad dheer ka bixiyeen Ahmiyada Waxbarashadu ay u leedahay Ubadka Soomaaliyeed iyo sida loogu Baahanyahay in Macalimiinta Dugsiyada ay ugu dadaalaan soo saarida Arday ay sareyso Aqoontooda.}

_{Maamulha Dugsiga Brothers Computer Ustaad Maxamed Cumar Maxamed Negeeye oo isna halkaas ka hadlay ayaa sheegay in Macalimiinta Dugsigoodu ay dadaal dheer u galeen sidii ay u soo saari lahaayeen Jiil Cusub oo Aqoonta Luqadaha heer wanaagsan uga jira,islamarkaana ay sii laba laabidoonaan Dadaalkooda ku aadan wax barida Ubadka Soomaaliyeed.}

_{Sidoo kale waxaa Munaasabadaas ka hadlay Macalin ka mid ah Macalimiinta ugu Fir-fircoon Machadka Brothers,kaasi oo ahaa Macalin Mahad Maxamed Barre oo isna sheegay in ay soo saari doonaan Arday kasii badan kuwa haatan ka qalin jebiyay Machadka Brothers.}

_{Fanaaniintii ka qeyb gashay Munaasabadaasi qaarkood ayaa waxa ay halkaas kusoo bandhigeen Suugaan kala gedisan oo ka turjumeysay Wanaaga Qofka Bani'aadamka ah ay waxbarashadu u leedahay,waxaana kamid ahaa Fanaaniintii halkaas heesaha ka qaaday Fanaanada Weyn Binti Cumar Gacal iyo Fanaaniin kale oo kamid ahaa Fanaanka Abasheekh.}

_{Ardaydaan ka qalin jebisay Machadka Brothers ayaa ah Dufcadii 15-aad ee ka Qalin jebiya Macahadka Brothers oo kamid ah Macaahida Magaalada Muqdisho kuwooda loogu jecelyahay,islamarkaana Waalidiintu ay jecelyihiin in ay Ubadkooda geeyaan.}

_{Xafladii ugu danbeysay ee ay ka qalin jebiyeen ilaa iyo Sedaxda Boqol ee ka baxay Machadka Brothers ayaa waxa ay kusoo geba gebowday jawi aad u wanaagsan.}

_{Xafiiska ceelqaboobe.com}

_{Muqdisho-Soomaaliya}

_{calidhuux86@hotmail.com}

_{Webmaster@ceelqaboobe.com}