Gidoomiye ku xigeenka kooxda AC Milan Adriano Galliani ayaa ku adkaystay in haddii ay ciyaaryahan Kaka ka iibiyaan kooxda Man City aanan bedel loo raadin doonin,

lacagta ka soo xarootana kooxda lagu maal gelin doonin.

Wararkan ayaa soo baxaya xilli naadiga lala xariirinayo inay doonayaan inay kooxda ku soo xoojiyaan kadib bixitaanka Kaka ciyaaryahanada kala ah: Michael Essien, Emanuel Adebayor, Geal Clichy iyo Frank Ribery oo hore loo sii shaaciyay inay la kulmeen isla markaana u bandhigeen qandaraas 4 sano ah iyo mushaar gaaraya 6.5 million Euro.

Kaka ayaa qiime sareeya oo gaaraya 107 Pound ay ku baadi goobaysaa kooxda Citizen-ka, inkastoo kooxda AC Milan weli qiimeynayso bandhigaas khiyaaliga ah haddana warar maamulka naadiga u dhaw dhaw ayaa sheegaya in ay u badantahay inuu wareego Kaka.

Kaka wakiilkiisa ahna aabihiis ayaa ku qalqaalinaya inuu ku biiro kooxda Man City, waxaana la rajaynayaa inay yeeshaan kulan xasaasi ah goor danbe oo maanta ah ( Isniinta)

Wargeyska La Gazzetta Dello Sport ayaa sheegay in Bosco, wakiilka Kaka uu hore naadiga u weydiistay in la kordhiyo gunadda uu ciyaaryahanka qaato todobaadkii, taasna waxay u muuqataa mid aanan la aqbali karin kadib markii qandaraas cusub oo ciyaaryahanka laga saxiixay mushaarkiisa la gaarsiiyay 9 million Euro marka canshuurta laga jaro, kooxda Man City waxay diyaar la tahay lacag gaaraysa 15 million Euro. aabihiisna waxa uu ku qalqaalinayaa inuu English Premiership-ka aado iyadoo ay muhiimadiisa tahay lacagahaas faraha badan.

Rossoneri walow dalabka Kaka aabihiis aysan ka jawaabin weli haddana haddii ay Maya noqoto jawaabta waxa uu wiilkiisa u riixi doonaa dhinaca Man City, milkiilaha kooxda Milano Silvio Berlusconina wuxuu soo jeediyay maalintii Sabtida inuu doonayo in uu isku dheelitir ku sameeyo gunnada ciyaaryahanada ay qaataan.

Kaka waa ciyaaryahanka ugu mushaar badan kooxda AC Milan waxaana ku soo xiga ciyaaryahan Ronaldinho oo qaata lacag dhan 4 million Euro, naadigana waxa uu ka baqayaa in ciyaaryahanada kalana ay mushaar kordhin weydiistaan taas oo kooxda xaalad deganaansho la'aan ah ku keeni karta.

Warar saacadihii ugu danbeeyay soo baxayna waxay tilmaamayaan inay ku soo biirtay kooxda Real Madrid baadi doonka ciyaaryahanka walow aysan weli miiska soo fariisan.

Kaka waxa uu madax u yahay dhowr ciyaaryahan oo ay doonayso kooxda Citizenka waxaana isla maanta heshiiskiisa la dhameeyay ciyaaryahan Graig Bellamy oo kooxda Westham United uga soo qaadatay 14 million oo Pound, waxaana ka sii horeeyay ciyaaryahanka garabka bidix ee daafaca Chelsea Wayne Bridge oo ay 12 million Pound kula soo wareegeen.

Ciyaaryahanada kale oo ay kooxda Man City doonayso waxaa ka mid ah: Michael Essien, De jong, John Terry, Michael Ballack, Gigi Buffon iyo tababare Jose Mourinho.