Ciyaaryahanka daafaca midigta ah ee kooxda Man City Pablo Zabaleta oo dhaliyay goolkii guusha ay kooxdiisa uga badisay Wigan Athletic maalintii Sabtida ayaa sheegay inuu sugi la'yahay imaanshaha ciyaaryahan Kaka garoonka Eastlands.

Zabaleta oo ay kooxdiisa kagala soo wareegtay kooxda Espanyol lacag gaaraysa 6.45 million Pound ayaa ku faraxsan inuu la safto ciyaaryahan Kaka oo ay isku koox noqdaan.

Mar uu la hadlayay wargeyska Daily Express waxa uu ku yiri: "

ka ciyaaryahano ahaan waa inaan ka gaabsanaa xaladahan oo kale, laakin kooxdu waxay leedahay qorshooyin qurux badan."

" inta ay naadiga joogaan dadkan ka yimid Abu Dhabi, kooxdu waxay u haysataa lacago ciyaaryahanada muhiimka ah, kooxda Man City mar dhaw waxay u dagaalami doontaa horyaalka iyo Uefa Champions League."

waxa uu is weydiiyay, " Kaka? waxaan kaga hor imid Argentina ciyaar ka dhacday London oo ay Brazil ku badisay 3-0, waa ciyaaryahan heer sare ah, caalami ah."

" waxay noqon doontaa wax aanu ku faano inaan haysano mid ka mid ah ciyaaryahanada adduunka ugu fiican, dhab ahaan waxay si cajiib ah hore ugu riixi doontaa niyadda dhamaan kooxda."

Mar la weydiiyay haddii uu ku faraxsanyahay caqliyada tababare Mark Hughes ee suuqa kala iibsiga waxa uu ku jawaabay, " Mark Hughes waxa uu maamulka ciyaaryahanada uga adkaanayay si tartiib tartiib ah, haddana ciyaartoyda waa ay midaysanyihiin."

Waqiga ayaa sheegi doona haddii uu tababare Mark Hughes ku guuleysto loolanka Kaka, waxaase su'aal ka taagantahay inta uu sii fadhin doono kursiga kaydka naadiga oo uu daawan doono saamaynta khadka dhexe ee Ricardo Kaka.