Javier Saviola ayaa waxa uu noqday mid ku nool iska indho tirid kursiga kaydka naadiga Real Madrid xaaladuna waxay noqotay mid aanan u cuntamayn ciyaaryahanka.
Xaalada meesha ka jirta oo aanan ahayn mid isaga dantiisa ka shaqaynaysa ayaa waxaa arinka sii xumeeyay markii uu weerarka kooxda ku soo biiray Huntelaar oo ay isku boos yihiin, waxaana uu ku qasbanaaday inuu la xariiro wakiilkiisa si uu ugu raadiyo naadi cusub oo uu si joogto ah ugu ciyaaro.
Mar uu u warmayay wiilka lagu naanayso Bakaylaha Argentine wargeyska Marca ayaa waxaa hadaladiisa ka mid ahaa, " Arinku wuxuu noqday mid aanan ii cuntamayn." taasna waxay muujinaysaa niyad jabkiisa si weyn. kadib markii uu arkay inuusan ka mid ahayn xisaabaadka Bernard Schuster ayaa haddana tababare Juande Ramos uu xisaabtiisa ka saaray.
Wararkaan Sports waxaa qorey
C/Naasir Maxamed Axmed (Zerro)
zerro77@hotmail.com
Ciyaaryahanka ayaa doonaya inuu ka tago garoonka Bernabue ka hor Xagaaga soo socda, waxaana xaalada ciyaaryahanka indhaha ku haya kooxo badan oo Spain, Talyaaniga iyo Ingiriiska ka dhisan, laakin naadiga Los Merengues waxay doonayaan inay kala ogaadaan in Huntelaar uu Champions League ciyaarayo iyo inkale, haddiise ay dhici weyso inuu ciyaaro Real Madrid ma doonayso iibka ciyaaryahanka bishan January ugu yaraan si uu naadiga u caawiyo kulamadaas oo kulanka Liverpool FC uu ugu soo horeeyo.
Back
to home
Top
of the Page
