Rafa Benitez ayaa diiday inuu ka saaro Steven Gerrard ciyaartoyda ka hortagaysa kooxda Manchester City todobaadka soo socda.
Gerrard ayaa la faliyay inuu garoomada ka maqnaado muddo saddex todobaad ah kadib dhaawac felyka ah oo soo gaaray kulankii 4-ta bishan ay la ciyaareen kooxda Everton- taas oo ka dhigan inuusan xisaabta ku jiran tan iyo safarka magaalada Madrid Arbacada danbe.
Si kastaba, Benitez ayaa sheegay in ciyaaryahankiisa number-ka 8-aad uu si wanaagsan u soo kabanayay uuna qayb ka noqon karo ciyaartoyda qaabilaysa kooxda Mark Hughes maalinta Axadda ah.
Tababare Rafa ayaa yiri: " waxa uu samaynayaa horukac, xaaladahan oo kale maalinkastaa waa kuu muhiim, waxa uu la shaqaynayaa Dakhaatiirta wuuna soo wanaagsanaanayaa."
" Caadiyan waa ciyaaryahan si dhakhso ah ku soo kabta, waxa uu u baahanyahay waqti ka yar ciyaartoyda kale."
" Waan la yaabay sababtoo ah saxaafada Spain waxay sheegtay in uu daqiiqadaha qaar ciyaari doono kulankan kadibna uu ciyaari doono kulanka Real Madrid, laakin waxaa run ah inaanan weli ogayn inaga."
" Waxaa laga yaabaa inuu kaydka soo fariisto kulanka Man City balse ma ogin."
" Wuxuu doonayaa inuu kulan kasta ciyaaro, wuu ogyahay in kulanka Man City uu muhiim inoo yahay, iyo kulanka Real Madrid sidoo kale."
Wararkaan waxaa soo diyaaiyay
C/naasir Maxamed Axmed (Zerro)
zerro77@hotmail.com
Back
to home
Top
of the Page
