Kadib guul la iska filayay, Man Utd waxay 3-0 uga badisay kooxda Fulham habeenkii Arbacada, Manchester waxay hogaanka ku haysaa shan dhibcood oo nadiif ah iyadoo aanan dhawaanahan gool laga dhalin.
 
Inkastoo dib u bilaabida koobka Champions league iyo koobabka maxaliga ah ay u tahay kooxda Fergusen tijaabo wanaagsan oo kala guur ah, haddana  ninka reer Scotland ayaa meesha ka saaray inay kooxdiisa burburto.
 
Kooxda Arsenal ayaa horyaalkii 1998 dib u soo dagaalantay walow laga sareeyay dhibco gaaraya 12 dhibcood, Sir Alex ayaana meesha ka saaray inay taas dib u soo celiyaan kooxaha Arsenal iyo Chelsea, kooxda Liverpool-na ay tahay kooxda kaliya ee la loolami karta.
 
Fergusen ayaa u sheegay Skysports: " Weligaa ma rumaysin kartid inaad dhimato laakin kooxda Chelsea waxaa u taala howl buur fuulitaan ah, ( xaalada horyaalka )
 
" Wax kasta ayaa dhici kara, hubanti, sanadii 1998 waxaan ka horeynay Arsenal 12 dhibcood laakin waxaa inagu dhacay dhaawacyo horyaalkana waan weynay."
 
" Hadda waan la qabsan karnaa sidii nagu dhacday todobaadyadii hore."
 
" Taasi waa bedelka kooxda, waxaan haysanaa koox weyn oo is bedelo samayn karta."
 
Kooxda Man Utd ayaa marti gelinaysa kooxda Blackburn maalinta Sabtida ah.

Wararkaan sports waxaa diyaariyay 
C/naasir Maxamed Axmed (Zerro)
zerro77@hotmail.com