Kulankii hore ee dhex maray kooxaha Inter Milan iyo Man Utd ayaa ku soo dhamaaday barbardhac 0-0 ah taas oo ka dhigan inay u dhaafeen saadaal kasta lugta labaad ee ka dhici doonta garoonka Old Trafford, Ciyaaryahanka khadka dhexe ee kooxda Nerazzurri Javier Zanetti-na waxa uu aaminsanyahay walow ay kooxdiisa howl adag u taalo haddana inaysan xaq ahayn inay halkaas ku soo haraan.
" hubanti waa kooxdii ugu adkayd ee aan ka hor imaano ( isagoo ka booday kooxaha Villarreal, Vilencia and Liverpool FC ) balse waxaan u malaynayaa inay taasi na siin doonto faa'iido, waxaan ku kalsoonahay inay kooxdan ka soo bixi karaan." ayuu u sheegay Sky sports 24
" ma geli doono qaladka ah inaan gadaal iska istaagsanaano, waxaan u baahanahay inaan aadno kulanka, waa ay xooganyihiin sida la filayo, laakin weerar celis ayaan ku qaadi doonaa, si kastaba waxaan u malaynayaa in haddii aan iska sugano inaan lumin doono fursadeena ah inaan soo baxno."
Cristiano Ronaldo ayaa khatar geliyay kooxda Jose Mourinho lugtii hore ee tartanka ciyaartii ka dhacday Sansiro, Zanetti ayaana u arka inay tahay caqli daro in loo calaamadeeyo kaligiis inuu yahay khatarta taagan mar walba.
" Kaligiis ma ahan, waxay haystaan weeraryahano aad halis u ah." ayuu ku soo gebagabeeyay 35 sano jirka Argentine.
Manchester United iyo Inter Milan ayaa ciyaari doona lugta labaad 11 Maarso.
Back
to home
Top
of the Page
