waxaan heestan u tiriyay deegaanka uu ku dhashaay aabaahay (hilowle galayr)inkastoo aanan anigu ku dhalan hadana waa deegaanka dhabta ee aan asal ahaan kasoo jeedo
waxaan ilaahaay uga rajaynaa dhamaan dadwaynaha soomaaliyeed nabad iyo guul iyo badhaadhe gaar ahaan dadweynaha ku nool degmada ceeldheer ee gobolka mareeg iyo nawaaxigeeda waxaan kaloo fariin u dirayaa dhamaan bulshada gobolka mareeg culumaa,udiinka , aqonyahanka , waxgaradka, hogaanka dhaqanka , dhalinyarada iyo haweenka reer mareeg iyo jaaliyadaja dibadaha jooga ee ka soo jeeda deegaanka Gobolka mareeg inay xil iska saaraan horumarinta gobolka iyo waxqabadkiisa , sida dhinacyada , caafimaadka waxbarashada , ganacsiga , iyo dhamaan adeegyada bulshada , waxaan kusoo afjarayaa qoraalkayga heestii aan ugu magac daray ceeldheer.
Deegaanka wacaniyo
Duxiya iyo dareemada
Dooga iyo cagaarkiyo
Damaladu ku badan yihiin
Degmadeena ceeldheer.

Aan ku daawasiiyee
Deex weeye dhinacoo
Waa meel dalxiiskiyo
Daawashada ku wacanoo
Deeradiyo cawshiyo
Darimaha ku yaaliyo
Dalsaan weeye caanoo
Indhihii dareemaaaa
Kama daalayaanooo
Dib baa loo xasuustaa.

Dhanka kale waa duur
Dhirtu daadsan tahayoo
Ubax dacal ila dacal
Dusha sare ka fuuloo
Dareen lagu riyaaqiyo
Dawo u ah qalbiga oo
Dalsan weeye caanoo
Indhihii dareemaa
Kama daalayaanooo
Dib baa loo xasuustaa.

Waa xarunta diimeed
Ilaa waagii daa,uud
Dadka lagu daweeyaa
Dugsiyada quraankoo
iyadoo la doogsaday
da,yartiyo duqaydii
inta laysku soo daray
subac loo dangiigsaday
daadihinta quruxda
diiintiyo nimcada taal
indhihii dareemaa
kama daalayaanoo
dib baa loo xasuustaa.

Doobtiyo barbaartoo
Walasaqo u duubtoo
Dedejinaya sacabkoo
Boodayo gurayooo
Ducaysanena jiibtiyo
Luuqdii isugu daray
Dadaw daawashada guud
Dareenkeedu wacanaa
indhihii dareemaaa
kama daalayaaanoo
dib baa loo xasuustaa.