hey'adda cuntada aduunka ee WFP ayaa sheegtay inay baaritaan ku sameyneyso eedeymaha sheegaya
in qaar ka mid ah shaqaalaheddu ay qeyb ka yihiin raashinka la sheegay in laga xado bakhaarada hey'addaas ee ku yaala gudaha Soomaaliya.
sida warbixin hore oo Telefishinka Channel4 ee dalka Ingiriisku ay sheegeysay waxaa si caadi ah loo kala gataa raashinka mucaawinada ah ee loogu talo galay dadka sida ba'an ugu dhibaateysan xerooyinka dadka barakacay ay ku sugan yihiin.
weriyayaal ka socday telefishinkaas oo tagay suuqa weyn ee Bakaaraha ayaa lasoo sheekeysay qaar ka mid ah dadka bakhaarada leh kuwaas oo tilmaamay inay caadi iska tahay in dad ka mid ah shaqaalaha hey'adda ay qeybtooda ka qaataan wixii macaash ah ee laga helo raashinkaas lagu gado suuqyada magaalada Muqdisho.
Sida ka muuqata Video-gan hoose waxaa baahi u dhimanaya dadkii loogu talo galay raashinkaas oo adduunku ugu deeqay, adigoo indhahaaga ku arki kara loorarkii raashinkaas oo ay ka muuqato calaamadda WFP ama USAID.
Arintan ayaa keentay in WFP ku dhawaaqdo inay baareyso wax ka jira eedeymahan loo jeedinayo shaqaalaheeda.
Waxaa la yaab leh dadka uu hunguri ka galay raashin ay dad aan Soomaali aheyn lagana yaabo inay xataa Muslimiin aheyn usoo dhiibeen walaalaha Soomaaliyeed ee dhibaateysan, taasoo muujineysa naxariis la'aanta qaar ka mid ah shaqaalaha WFP & ganacsatada naf ahaantooda, kuwaasoo la dhihi karo waxay la mid yihiin kuwa dagaalada wada ee sababta u noqday in dadkani markoodii horeba barakacaan oo qaarkood dagaalada ku dhinteen qaarna macluul la ildaranyihiin xerooyinkaas qaxootiga ee ku yaala gudaha & dibadda dalkaba.
sida ka muuqata Video-ga waxaa calool xumo weyn ah sida dadkeenii Soomaaliyeed ay u dhibaateysan yihiin iyadoo dad dagaalada wadaana ay sheeganayaan mas'uuliyiin Soomaaliyeed.
Waxaanse alle ka baryeynaa in dalkeena uu nabad caam ah kusoo dabaalo, wixii dhib wadana uu Alle soo hanuuniyo haddii aysan hanuunsameyna uu Alle ka qabto dalka & dadka.
ceelqaboobe.com
webmaster@ceelqaboobe.com
Back
to home
Top
of the Page
