Daqiiqadaha dheeraadka ah ee lagu daray Ciyaarahaasi intii ay socdeen ayaa waxa ay Ciyaarta geliyeen xiise iyo farxad dheeraad ah, iyadoo labada kooxood  mid waliba ay ku dadaashay inaan wax gool ah laga dhalin, hase yeeshee markii danbe waxaa gool shabaqa ku riday ciyaaryahan A. Iniesta oo qaata Numerka 6 kana ciyaara weerarka dhinaca Spain , wuxuuna goolkaasi dhaliyey iyadoo  afar daqiiqo kaliya ay ka harsan tahay 30-kii daqiiqo ee ciyaatra lagu daray.

Ciyaarta Koobka Aduunka ayaa ku soo gabagabowday (Spain 1-0 Holland), waxaana koobkii adduunka sanadkan uu raacay xulka Spain oo ciyaaryahanadiisu u badnaayeen ciyaaryahanada kooxda Barcelona.

Ciyaarta finalka aheyd ayaa ka dhacday garoonka Soccer City ee magaalada Johanesburg ee Koonfur Afrika, waxaana halkaasi ku sugnaa daawadayaal lagu qiyaasay 84,000. iyadoo si aad ah loo adkeeyey amaanka garoonka iyo harerihiisa.

Garoonka Ciyartaasi ka dhaceysay waxaa ku sugnaa madaxweynihii hore ee Koonfur Afrika Nelson Mandela oo markii danbana koobka gudoonsiiyay kooxda guuleysatey ee xulka Spain.

Malaayiin dad ah oo kale ayaa shaashadaha telefishanada kala socda ciyaarta caawa, iyadoo labada dal ee Spain iyo Holland caawa dadweynahooda ay si gaar ah ula socdeen ciyaarta.

Ciyaartu markii ay dhamaatay  waxaa magaalada Madrid ee dalka Spain ka bilawday damaashaadyo farxadeed oo lagu soo dhoweynayo guusha ay Kooxda Ciyaartoyda Spain ka gaartay Ciyaarihii Koobka Adduunka

ceelqaboobe.com

calidhuux86@hotmail.com