Wararka ka imaanaya degmada Afgooye ee gobolka shabeelada hoose ayaa sheegaya in Xoogagga Al-shabaab ay xalay weeraray ku qaadeen laba saldhig oo ay ciidamada dowladda KMG ah ku lahaayeen degmadaasi, iyadoo la sheegay inay dhowr qof oo ka tirsan labada dhinac ku dhinteen dagaalkaas.
Goobjoogayaal ku sugan degmada Afgooye ayaa sheegay in dagaalku uu ahaa mid aad u xoog badan socdayna muddo kooban, iyadoo aysan weli saraakiisha DKMG ah ka hadlay weerarkii xalay lagu qaaday degmada Afgooye.
Goobaha la weeraray ayaa waxay kala ahaayeen saldhig ku dhow koontaroolka laga galo degmada Afgooye ee Baar Ismaaciil iyo dugsigii sare ee degmadaas oo ah saldhig ay daggan yihiin ciidamada milateriga iyo kuwa nabadsugidda DKMG ah ee Soomaaliya.
"Dagaalkii xalay wuxuu ahaa mid aad u xooggan, waxaana dhimasho iyo dhaawacyo ay kasoo gaareen afar qof oo shacab ah, kuwaasoo ay rasaasta habowga ah ugu tagtay guryahooda," ayuu yir goobjooge ku sugan degmadaasi Afgooye.
Xarakada Al-shabaab ayaa sheegatay weerarkaasi, iyadoo xarakadu intaas ku dartay in dagaalka ay ku qaadeen degmada Afgooye ay ka gaareen hadafkii ay ka lahaayeen waxaana dagaalkaasi kusoo beegmay xilli ay ciidamada DKMG ah iyo kuwa AMISOM shalay la wareegeen deegaanno ay ka mid yihiin garoonkii diyaaradaha ee KM-50 ee gobolka Shabeellada Hoose iyo deegaano hoos taga.
Degmada Afgooye ayaa waxay ka mid tahay degmooyinka Al-shabaab laga qabsaday bishii May ee sannadkan, markaasoo ay ciidamada DKMG ah oo gacan ka helaya kuwa AMISOM ay ka duuleen Muqdisho si ay u qabsadaan Afgooye iyo inta u dhexeysa Muqdisho oo ay Al-shabaab awood badan ku lahayd.
ceelqaboobe.com
calidhuux86@yahoo.com
calidhuux88@hotmail.com
Xarakada Al-shabaab ayaa sheegatay weerarkaasi, iyadooxustay in dagaalka ay ka gaareen hadafkii ay ka lahaayeen
Back
to home
Top
of the Page
