Ciidamo Boolis ah oo ka socda Midowga Afrika ayaa maalmihii lasoo dhaafay kusoo qul-qulayay Muqdisho,iyagoo ka howl geli doono Saldhigyada Booliska magaalada.
Ciidamo Boolis ah oo ka socda Midowga Afrika ayaa soo gaaray magaalada Muqdisho, iyagoo ka howl geli doono Saldhigyada Booliska magaalada Muqdisho, si ay uga qeyb qaataan sugida ammaanka doorashada la filayo in bishan dhamaadkeeda ay ka dhacdo magaalada Muqdisho.
Afhayeenka Ciidamada AMISOM Col. Cali Aadan Xaamud ayaa sheegay in Ciidamada Booliska ay soo gaareen magaalada Muqdisho ka qeyb qaadan doonaan xaqiijinta ammaanka, isagoo txusay in Ciidamadan ka socdaan dalka Uganda.
Col Xaamud oo la hadlay Idaacada BBC-da ayaa sheegay in Ciidamadan ay horu-dhac u yihiin Ciidamo kale oo Boolis ka imaanaya Nigeria, Sierra Leone iyo Jabuuti oo ah Ciidamo Boolis ah oo aan aheyn Ciidamada Milateriga AMISOM.
"Ciidamadani maanta ilaa doraad ayay Muqdisho imaanayeen, waa Ciidamo Boolis ah oo howl gaar ah la galaya Ciidamada Booliska Soomaaliyed, hada Ciidamada ugu horeeya waxay ka yimaadeen dalka Uganda"ayuu yiri Col. Xaamud Afhayeenka Ciidamada AMISOM.
Ururka Midowga Afrika ayaa hore u sheegay in Ciidamo Boolis ah uu u soo dirayo Soomaaliya si ay uga qeyb qaataan sugida ammaanka Muqdisho, kadib markii Ciidamada Milateriga AMISOM ay banaanka uga baxeen markii u horeysay magaalada Muqdisho.
Ciidamadaan Booliska ah ee kasocda Midowga Afrika waa markii ugu horeysay ee ay soo gaaraan Muqdisho, waxaana arrintan ay noqotay mid laga hadal haayo magaalada, kadib markii lagu arkay wadooyinka Kolonyo cusub oo ku buufsan Calaamada AU Police oo ka duwan kuwii lagu yaqiinay Ciidamadii AMISOM ee Milateriga ahaa.
Ceelqaboobe.com
Calidhuux86@yahoo.com
Calidhuux88@hotmail.com
Back
to home
Top
of the Page
