Ergeyga Qaramada Midoobey u qaabilsan Soomaaliya Augustine Mahiga ayaa ka codsad Odayaasha dhaqanka ay inay ixtiraamaan mudada la heysto iyo sida waqtiga gabaabsi u yahay, islamarkaana muddo 24-saac lagu soo gudbiyo Liiska xildhibaanada.

Hadalkaan ayuu jeediyay Danjiruhu xili uu booqday madasha Odayaasha dhaqanka ee agagaarka garoonka diyaaradaha Muqdisho iyadoo qaar ka mid ah odayaashu ay weydiisteen in loo madax banaaneeyo howshooda, sidoo kale ay qalad tahay in dib loogu celiyo liiska ay soo gudbiyeen, inkastoo uu taa ka meer meeray Augustine Mahiga.

Dooda ugu badan ayaa waxa ay ka taagan tahay xubnaha qaar lagu celiyay odayaasha dhaqanka, iyagoo ku adkeystay in aanay dib ula laabaneyn loona qaato sida ay usoo gubiyeen, haseyeeshee waxaa meesha ku jira nuuca uu noqonayo cida noqneysa xildhibaan iyo waxa looga baahanyahay in uu lahaado.

Gudiga Farsamada ee soo xulista Baarlamaanka ayaa ku doodaya in xubnaha soo buuxin waayay shuruudaha, kuwa aqoontooda ay hooseyso iyo shaqsiyaadka dambiyada lagu tuhmayo ay yihiin kuwo aan boos uga banaaneyn Baarlamaanka.

Waxaa jira is qab qabsi beelaha dhexdooda iyo khilaaf ka taagan waqtigii la filayay in lagu soo bandhigo tirada Baarlamaanka cusub Iyadoo sida muuqata ay suurta galtahay in dib u dhac ku yimaado. 

Saacadaha soo aadan ayaa la filayaa in la soo bandhigo liiska xubnaha cusub ee Baarlamaanka, iyadoo Gudiga xalay oo dhan aanay u kala kicin hubinta xubnaha la soo gudbiyay.

ceelqaboobe.com

calidhuux86@yahoo.com

calidhuux88@hotmail.com